ORLANDO FLORIDA

Eins & mörg ykkar kannski vita þá vorum við fjölskyldan í Orlando í 11daga fyrir stuttu, en okkur langaði í smá meiri hita & sól áður en rútínan byrjaði að fullu! En Andrés Elí fékk ekki leikskóla pláss strax & erum við svolítið að biða eftir þeim svörum & vona að hann komist að sem fyrst! 

En Magnús á sem sagt frændfólk þarna úti & fengum við að gista hjá þeim, við höfum áður komið til þeirra þegar ég var ólétt af Andrési. 

Annars byrjaði ferðin mjög vel, eða flugið reyndar gekk svona fram & til baka. Myndi segja að helmingurinn (4tímar) hafi gengið àgætlega en hinir 4tímarnir voru ansi erfiðir! Andrés hefur nú alveg farið 9x allavega í flug & hefur aðeins eitt af þeim gengið mjög vel haha! Ég hef sagt eftir hvert einasta flug “já nei nú ferðast ég ekki með barnið aftur” en svo er maður fljótur að gleyma því hann er ótrúlega góður & algjör engill í útlöndum & sefur oftast töluvert betur í hitanum heldur en heima á Íslandi! En allavega fyrstu dagarnir gengu vel & var svona almennt ráp á okkur í Outlet, Florida Mall, Disney Springs, Universal City Walk & fleira svona um miðjan dag & seinni part dags, en við byrjuðum alltaf daginn á að fara öll saman í sund að leika sem Andrési fannst ótrúlega skemmtilegt! 

En þegar það leið á fyrstu vikuna þá vorum við svo heppinn að næla okkur í eitthverja magapest & byrjaði ég í einn sólarhring & síðan tók Magnús við næsta sólarhring! Við vonuðumst til að Andrés Elí myndi sleppa en neinei hann byrjaði tveim dögum seinna & tók þetta alla leið með upp&niður & bókstaflega lét flest herbergi í húsinu finna fyrir því! Úff á þessum tímapunkti langaði okkur ekkert meir en að vera bara heima hjá okkur! En fjörið var svo sannarlega ekki búið & fór þessi ógeðis pest aðra umferð, þannig ég & Magnús tókum einn auka sólarhring í ennþá verri veikindi heldur en fyrra skiptið! Andrés Elí fékk þetta sem betur fer bara einu sinni, en við sem sagt eyddum þarna 4-5 dögum af fríinu okkar í leiðinda veikindi, frekar svekkjandi þar sem það var ansi mikið á dagskrá þarna síðustu dagana sem við náðum ekki að gera! 

En við náðum aðeins að stússast síðasta daginn & sem betur fer vorum við orðin ágætlega hress fyrir flugið heim! 

Flugið heim gekk mjög vel með Andrés, þetta var klárlega svona top 3 besta flugið hans haha! En hann dúllaði sér að horfa á hvolpasveitina & sofnaði síðustu 3tímana sem var ÆÐI fyrir þreyttu foreldrana! 

En mig langar að þakka flugfreyjunum hjá Icelandair svo mikið! En við fengum sem sagt þrjú sæti á leiðinni út því það var nóg af sætum laus, en þegar ég spyr við innritunina á leiðinni heim tekur leiðinleg skvísa á móti okkur & segist ekki geta gert neitt fyrir okkur & að það sé allsekki hægt að fá sæti fyrir Andrés Elí! En við nefndum þetta við flugfreyjurnar ef það væri möguleiki að fá sætaröð fyrir okkur 3 & þær án djoks gerðu allt til þess að hjálpa okkur & koma Andrésí í sér sæti! Nei sko vá hvað ég var þakklàt, því A er að verða 2 ára í janúar & hann er allsekki mikið fyrir það að sitja kjurr eða fastur í fanginu á okkur þannig það var svo mikið ÆÐI að fá sæti fyrir hann sem hann gat brasað & prílað í. 

Flugið heim voru rúmir 7tímar en við vorum auðvitað svo heppinn að það var eitthver tæknibilun í vélinni, sem átti að taka 10-15mín að laga & við fórum af stað út á flugbraut, nema þá kemur í ljós að það er enn eitthvað að & við þurfum að fara til baka. En sem betur fer náðist að laga & redda öllu, það var samt eitthver einn-tveir tímar í seinkun en A var sem betur fer bara alveg sokkinn ofaní hvolpasveitina & kippti hann sér ekki mikið við þennan auka tíma. Ég var aðallega glöð að komast loksins heim, þá sérstaklega því mamma & pabbi voru að halda uppá 50 & 55 ára afmælið sitt um kvöldið! 

En allt blessaðist þetta, við jöfnuðum okkur á veikindunum & komumst heil heim ❤

Getur fylgst með mér inná instagram reikningnum mínum HÉR . En þar finnur þú til dæmis Orlando ferðina í Highlights ásamt fleiri ferðalögum, snyrtivörum, mat & mörgu fleiru!